Course goals
Kursning maqsadi
Kursning bosh maqsadi talabalarni faqat qoidalarni yodlashga emas, balki tilni natija olish, hayotda amaliy foydalanish sifatida qo'llashga o‘rgatishdir.
Talabalardagi gapirishdan qo‘rqish kompleksini yo‘qotish va to‘siqlarni yengish.
Murakkab grammatikani oson usulda o'rgatish va muvaffaqiyat hissini tuyish orqali muloqotga bo‘lgan o‘ziga ishonchni mustahkamlash.
Talaba o‘zini shunchaki o‘quvchi emas, balki tanqidiy fikrlovchi shaxs sifatida his qilishini ta’minlash.
Ingliz tilini o‘rganish orqali o‘zbek madaniyati va qadriyatlarini (masalan, tejamkorlik, isrof) dunyoga tushuntira olish va boshqa xaqlar madaniyati bilan tanishish.
Quvnoq o‘yinlar va qizg‘in bellashuvlar orqali talabalarda til o‘rganishga bo‘lgan ishtiyoqni uyg‘otish.
Tezlashtirilgan o‘rganish
Biz 30 yillik tajriba va tezlashtirilgan o'rganish usullaridan foydalanamiz:
Darsning 70% qismi amaliyotdan iborat.
Miyaning ko‘p qirrali faolligini ta'minlash maqsadida bir vaqtning o‘zida ko‘rish (rasmlar), eshitish (audio), harakat qilish (TPR) va his qilish (ijtimoiy loyihalar) orqali o‘rganishni ta'minlaymiz.
O‘rganilgan so‘zlarni ma’lum vaqt oralig‘ida o‘yinlar orqali takrorlashga erishamiz.
Kursning tuzilishi
Kursning har bir moduli tayyorgarlik, o'rganish va amaliyot tizimi asosida tuzilgan:
Tayyorgarlik (The Spark)
Dars boshlanishidan oldin talabaning qiziqishini uyg‘otish.
Vazifa: Qisqa video, rasm yoki savol-javob (Padlet’da).
Maqsad: Avvalgi bilimlarni mustahkanmlash va yangi mavzuga zamin yaratish.
O‘rganish (The Deep Dive)
Yangi ma’lumotni qabul qilish jarayoni 75-80 % ingliz tilida amalga oshiriladi.
Vazifa: Interaktiv o‘qish, matnni tahlil qilish, formula bilan ishlash.
Metod: Matn ichidan kalit so‘zlarni topish, raqamli annotatsiya qilish.
Amaliyot (The Impact)
O‘rganilgan bilimni hayotga tatbiq etish.
Vazifa: Influencer videosi tayyorlash, loyiha yaratish yoki oila a’zolariga dars o‘tish.
Maqsad: Bilimni shaxsiy tajribaga aylantirish.
Haftalik ish rejasi
Kurs 100% onlayn formatda bo‘lsa-da, haftalik tuzilishi juda jonli:
| Kun | Yo‘nalish | Asosiy faoliyatlar |
| 1-kun | Lug‘at boyligini oshirish | Kasblar, joy nomlari va sifatlar bilan tanishish. |
| 2-kun | Grammatika bilan tanishuv | He is / She is formulasini o‘rganish. |
| 3-kun | Ravon so'zlashuv | "Bir nafas" mashqi va Padletda video-javob. |
| 4-kun | O'qish va tarjima | Boshqa xalqlar madaniyati bilan tanishtiruvchi sodda matnlarni tarjima qilish. |
| 5-kun | Ijodiy yozish | O'zbek madaniyatiga xos sodda matnlar tuzish. Do‘stlar va qahramonlar haqida 20 ta gapdan iborat hikoya. |
| 6-kun | O'yinlar va bellashuvlar | O'yinlardan foydalanish orqali bellashuv va xursandchilik. |
Global maqsadlar
Kursimizning o‘ziga xosligi shundaki, har bir mavzu global maqsadlar (SDG) bilan bog‘langan. Masalan, "Oshxona" mavzusini o‘rganayotganda biz shunchaki ovqat nomlarini emas, balki
Isrof qilmaslik
Tejamkorlik sirlarini
Oziq-ovqat yetishtiruvchi fermerlarga hurmatni o‘rganamiz.
Hozircha izohlar yo‘q.